"Пахтакор"нинг энг яхши футболчиларидан бири ҳисобланган Боян Миладиновичнинг жамоадан кетиш борасидаги гапларга аниқлик киритилган кўринади. Жамоанинг болқонлик вице-сардори якунига етган мавсумдан сўнг хордиқ чиқариш учун Сербияга учиб кетди. Кетиши олдидан ҳимоячи сайтимиз учун кичик интервью берди:
- "Пахтакор" менинг фаолиятимдаги энг яхши жамоалардан бири. Бу ерда оилам билан истиқомат қиламан. Оиламга ҳам Тошкент жуда ёқади. Афсуски, икки йилдан буён жамоам чемпионликни қўлга кирита олмаяпти. Кейинги мавсум мухлисларимизга чемпионликни қайтариб беришга ҳаракат қиламиз.
- Демак, Сизни навбатдаги мавсумда ҳам "Пахтакор" либосида кўрамиз?
- Шартномам якунланган тақдирда биринчи навбатда "Пахтакор" раҳбарлари билан музокара олиб бораман. Агар жамоага керак бўлсам, жон деб "Пахтакор"да қоламан. Ҳозир бироз ҳордиқ чиқаришим керак. Янги йилни уйимда кутиб оламан. У ердан тўғри БААга, "Пахтакор" машғулотларига бориб қўшиламан.

manba: championat.uz 202